Andijon viloyat hokimligi hamda transport boshqarmasi tashabbusi bilan Toshkent shahridan Andijon viloyatiga ketishi rejalashtirgan talaba yoshlar va fuqarolarni olib kelish maqsadida 17 mart soat 17:00 da Andijon shahridan Toshkent shahriga 20 dona yengil avtomobillardan tashkil topgan “Avto karvon” yo‘lga chiqdi, deb xabar bermoqda Transport vazirligi axborot xizmati.

Foto: Transport vazirligi axborot xizmati

Andijon viloyati transport boshqarmasi rahbarligida ushbu avtakarvon 18 mart kuni soat 09:00 da Toshkent shahrining “Qo‘yliq” avtoturargohidan yo‘lovchilar bilan Andijon viloyatiga qaytadi. Mazkur avtokarvon bilan yo‘lovchilar Andijon viloyatiga bepul olib ketiladi. Yo‘lovchilar belgilangan muddatda “Qo‘yliq” avtoturagohiga yetib kelishlarini so‘raymiz, deyiladi xabarda.