77 yoshli aktyor O Yon Su koreys aktyorlari orasida birinchi bo‘lib “Oltin globus”» mukofotiga sazovor bo‘ldi. Bu haqda “Oltin globus” saytida ma’lum qilindi.

Foto: Google

Koreys aktyori «Kalmar o‘yini» serialidagi roli (001-o‘yinchi) uchun «Ikkinchi plandagi eng yaxshi erkak aktyor» nominatsiyasi g‘olibi bo‘ldi. Serialni tomosha qilganlar yaxshi bilishadi, O Yon Su shov-shuvli serialda tuzalmas kasallikka yo‘liqqan 001-raqamli keksa o‘yinchi obrazini gavdalantirgan. Serial oxiriga borib jabrlanuvchi aslida kim bo‘lgani oydinlashadi…

O Yon Su 1944-yilning 1-oktabrida tug‘ilgan. 19 yoshida teatrda debyut qilgan. 200dan ortiq rollari bor. Vatanida Dong-A teatr mukofoti (1979), Baeksang Arts Award mukofoti (1994) va Koreya milliy teatr assotsiatsiyasining eng yaxshi erkak aktyor nominatsiyalarini qo‘lga kiritgan.

Ammo global miqyosda shon-shuhratga «Kalmar o‘yini» orqali erishdi.