Gidrometeorologiya xizmati 2022-yil yanvar oyida kutiladigan ob-havo prognozini ma’lum qildi. Bu yilning yanvar oyi nisbatan iliq, ammo yomg‘irli ob-havo bilan boshlandi.

Foto: Ijtimoiy tarmoqlar

Respublika hududi bo‘yicha deyarli har kuni yomg‘ir, tog‘larda asosan qor ko‘rinishidagi yog‘ingarchilik kuzatilgan.

7-yanvarda respublika hududining katta qismida yog‘ingarchilik to‘xtadi. Faqat Toshkent, Surxondaryo viloyatlarida ertalab, Farg‘ona vodiysida kun davomida ba’zi joylarda biroz yomg‘ir yog‘adi. Respublikaning tog‘li hududlarida biroz qor yog‘adi.

8-14 yanvarda respublika hududi bo‘yicha asosan yog‘ingarchiliksiz ob-havo bo‘lishi kutilmoqda.

9-12 yanvarda havo harorati kechalari 2° sovuq-3° iliq, kunduz kunlari 3-8° iliq, ba’zi joylarda 10-12° iliqqacha, 13-14 yanvarda kechalari 0-5° iliq, kunduz kunlari 8-13° iliq atrofida bo‘ladi.

Yanvar oyining ikkinchi yarmida harorat kechalari 0-5° iliqdan 3-8° sovuqqacha, kunduz kunlari 8-13° iliqdan 0-5° iliqqacha, shimolda kechalari 0-5° sovuqdan 10-15° sovuqqacha, kunduz kunlari 3-8° iliqdan 0-5° sovuqqacha o‘zgarib turishi kutilmoqda.

Ikkinchi o‘n kunlikning boshida va uchinchi o‘n kunlikning ayrim kunlarida yomg‘ir va qor ko‘rinishidagi yog‘ingarchilik bo‘lishi kutilmoqda.