Andijon viloyatidan Rossiya Federatsiyasiga tashrif buyurgan delegatsiya a’zolari Moskva shahridagi “INTEKO” qurilish kompaniyasi rahbariyati bilan uchrashib, ushbu hududdagi yirik qurilish ob’ektlariga andijonlik malakali quruvchilarni ishga jalb qilish yuzasidan muzokaralar o‘tkazdi.

Foto: Sputnik

Migratsiya agentligining xabariga ko’ra, muzokaralar davomida kompaniya rahbari ayni paytda 3 ming nafargacha ishchi kuchiga ehtiyoj borligini ma’lum qildi. Uchrashuv yakunida malakali ishchilarni yetkazib berish va ish bilan ta’minlash bo‘yicha kelishuvga erishildi.

Shuningdek, delegatsiya a’zolari Baykalorti o‘lkasi markazi – Chita shahrida bo‘lib, hukumat vakillari bilan mehnat migratsiyasi sohasida hamkorlik qilish va mehnat migrantlari huquqlarini himoya qilish va ularni ish bilan ta’minlash masalalari muhokama qilindi.

Tadbirda ta’kidlanishicha, Baykalorti o‘lkasida 3500 dan ziyod ish o‘rni mavjud bo‘lib, asosan qurilish-ta’mirlash ishlariga malakali mutaxassislar talab etilmoqda.

Mavzuga doir:
Rossiyadan yana 17 nafar murakkab vaziyatda qolgan fuqarolar olib kelindi
Rossiyadan maxsus poyezd orqali O’zbekistonga qaytayotgan fuqaro vafot etdi

Bu borada hududlararo kelishuvga erishilib, kelgusida tashkillashtirilgan holda ishchilarni yuborish, hujjatlarni rasmiylashtirish, ishlash vaqtida huquqlarini himoya qilish masalalari bosqichma-bosqich amalga oshiriladi.