2020/2021 o‘quv yilida oliy ta’lim muassasalarining bakalavriatiga o‘qishga kirish uchun o‘tkazilgan test sinovlarining yakuniy natijalari e’lon qilindi.

Foto: uForum

Qaayd etilishicha, test sinovlarining tanlov natijalariga ko‘ra, respublika OTMlari bakalavriatiga jami 140 068 nafar abituriyent talabalikka qabul qilindi (o‘tgan yildagi 102 350 nafarga nisbatan 37 718 taga ko‘p), deya xabar berdi DTM.

Shundan:

  • davlat granti asosida – 28 173 nafar (jami topshirganlarning 20,1%) abituriyent (2019 yildagi 18 130 nafarga nisbatan 10 043 taga ko‘p);
  • to‘lov-kontrakt asosida – 111 895 nafar (jami topshirganlarning 79,9%) abituriyent (2019 yildagi 84 220 nafarga nisbatan 27 675 taga ko‘p) talabalikka tavsiya etildi.

Tanlov natijalariga ko‘ra:

  • davlat granti asosida o‘rtacha o‘tish bali – 133,3 ballni;
  • to‘lov-kontrakt asosida o‘rtacha o‘tish bali – 110,6 ballni tashkil etdi.

Respublika oliy ta’lim muassasalariga davlat granti asosida minimal o‘tish bali – 68,0 ball, to‘lov-kontrakt asosida minimal o‘tish bali – 56,7 ball etib belgilandi.

Mavzuga doir:
DTM: Test sinovlari natijalari bo‘yicha ishlar yakunlandi
OTMlarga qabul test sinovlarining yakuniy natijalari e’lon qilinishi kutilmoqda