Pensilvaniya universiteti Montefiore tibbiyot markazi hamda AQShning boshqa sog‘liqni saqlash markazlari olimlari koronavirus yuzalar emas, asosan havo aerozollari orqali tarqalishini aniqlashdi. Bu haqda “Annals of Internal Medicine” jurnali xabar berdi.

Foto: RIA Novosti

Shunday ekan, ijtimoiy masofa va yaxshi shamollatish COVID-19ni to‘xtatib qolishning eng samarali yo‘li hisoblanadi.

Tadqiqotchilar 2020-yil yanvardan sentyabrgacha jurnalda chop etilgan va SARS-CoV-2 yuqish omillariga bag‘ishlangan ilmiy ishlarni o‘rganib chiqishdi.

Buni qarangki, garchi ayrim maqolalarda virus zarralari yuzalarda bir necha soat yashashi mumkinligi aytilgan bo‘lsa-da, haqiqatda virusli RNK atrof-muhitda juda kam uchraydi.

Koronavirusga chalingan odamlar bilan yaqin munosabatda bo‘lish va yaxshi shamollatmaslik virusni yuqtirishda hal qiluvchi omil hisoblanadi.

Shuningdek, virus ko‘pincha kasallikning erta bosqichidagi odamlardan yuqadi. SARS-CoV-2 virusli zarralar soni organizmda alomatlar paydo bo‘lishidan taxminan bir kun oldin avjiga chiqib, kasallik boshlanganidan keyin bir hafta ichida kamayadi.

Koronavirusga chalinganlarning aksariyati virusni tarqatishda ishtirok etmaydi. Shunga qaramay, ba’zi bemorlar asosiy tashuvchi bo‘lib, birato‘la bir qancha odamlarga yuqtiradi.

Mavzuga doir:
Olimlar otlarning antitanachalaridan koronavirus preparatini ishlab chiqmoqda
Koronavirusning miyaga kirish xususiyati aniqlandi
Koronavirusni to‘liq zararsizlantiruvchi modda topildi

So’nggi ma’lumotlarga ko’ra, dunyoda 30 milliondan ortiq koronavirus virusi yuqtirilgan, ulardan 950 ming nafari infeksiya tufayli vafot etganlardir.