UFC musobaqasi doirasida rossiyalik Habib Nurmagomedov bilan amerikalik Jastin Getji o‘rtasida bo‘lib o‘tadigan chempionlik jangiga tomoshabinlar kiritilmaydi. Bu haqda rossiyalik sportchining o‘zi Moskvadagi Jang san’atlari forumida bo‘lib o‘tgan onlayn-konferensiyada ma’lum qildi.

Foto: TASS

“Musobqa yopiq o‘tkaziladi, tomoshabinlar bo‘lmaydi. Shunday ekan, qarindoshlarim meni arenadan tashqarida, mehmonxonada kutib turishadi”, — dedi Nurmagomedov.

Jang 24-oktabr kuni Abu-Dabidagi (BAA) “Jangchilar oroli”da bo‘lib o‘tadi. U UFC 254 musobaqasining asosiy jangiga aylanadi.

Nurmagomedov o‘zining oxirgi jangini 2019-yil 7-sentabrda o‘tkazgan. O‘shanda u amerikalik Dastin Porega qarshi ringga ko‘tarilib, chempionlik kamarini himoya qilgan.

Mavzuga doir:
Nurmagomedov sportdagi faoliyatini yakunlash shartini aytdi
Habib Nurmagomedov oʻz karyerasida soʻnggi jangni oʻtkazishi mumkin

Sportchi jami 28 ta jang o‘tkazib, barchasida g‘alaba qozongan. 31 yoshli Getji hisobida esa 24 ta jang bor, ikki marta yengilgan.