AQShda istiqomat qiluvchi Brittani Kich 1920-yilda yuborilgan ochiq xatni oldi, deb yozadi FOX 17.

Foto: FOX 17

Ochiq xat pochta qutisidagi boshqa maktublar orasidan chiqqan. Ochiq xatning burchagiga bir sentlik Jorj Vashington markasi yopishtirilgan va 1920-yil 29-oktabr sanasi bilan Jeymstaun shtampi urilgan.

Uni yuborgan odam shu yo‘l bilan qarindoshlarini Xellouin bilan tabriklashga qaror qilgan ko‘rinadi.

Chunki ochiq xatda mushuk, g‘oz va boyqush bilan birga jodugar kampir tasvirlangan. Rasmning tagida esa “Xellouin bilan tabriklayman. Kim bo‘lishni xohlaysiz? G‘ozmi yoki qovoq kalla?” degan yozuvlari ham bor.

Mavzuga doir:
“Rossiyada bunaqasidan yo’q”: Tramp Amerika qurollari haqida gapirdi
AQShda ishlagan mutaxassis Sirdaryo viloyati hokimi maslahatchisi etib tayinlandi

Aftidan, ochiq xatni uyning avvalgi egasi olishi kerak bo‘lgan. Brittani ularni topishga rosa harakat qilib ko‘rgan, lekin barcha urinishlari besamar ketdi. Shu bois ayol topilmani mahalliy tarix muzeyiga topshirmoqchi.