Foto: Korrespondent

O‘zbekiston Respublikasi Transport vazirligi huzuridagi Fuqaro aviasiyasi agentligi ma’lumotiga asosan koronavirus tarqalishini oldini olish maqsadida O‘zbekiston hududida karantin choralari tatbiq etilishi munosabati bilan 2020 yil 1 martdan aviaqatnovlar soni qisqartirilib, har haftada bir marotaba paritet asosida parvozlar galma – gal quyidagi tartibda amalga oshiriladi:

  • 2020 yil 8 mart kuni – “Uzbekistan Airways” aviakompaniyasi tomonidan;
  • 2020 yil 15 mart kuni – Koreya Respublikasi aviakompaniyalari tomonidan;
  • 2020 yil 22 mart kuni – “Uzbekistan Airways” aviakompaniyasi tomonidan;
  • 2020 yil 29 mart kuni – Koreya Respublikasi aviakompaniyalari tomonidan.

Shu bilan birga, Toshkentga qaytib borgan fuqarolar shahar tashqarisidagi maxsus joyda 14 kun mobaynida karantinda saqlanib, tegishli ko‘rikdan o‘tgandan so‘ng, ularga uyga qaytishga ruxsat beriladi.

Koreya Respublikasi hukumati tomonidan koronavirus tarqalishi oldini olish bo‘yicha yuqori tibbiy texnologiyalarning qo‘llanilayotgani hamda chet el fuqarolarining malakali bepul davolanishi kafolatlashi bois, O‘zbekiston Respublikasining Koreya Respublikasidagi elchixonasi O‘zbekiston fuqarolariga vatanga qaytish fikridan to‘xtab turishni tavsiya etadi. Shu munosabat bilan, fuqarolarga o‘z sog‘liqlarini asrash va virusni tarqalishiga qarshi kurash bo‘yicha Koreya hukumatining talablariga rioya qilish tavsiya etiladi.

O‘zbekiston Respublikasining Koreya Respublikasidagi elchixonasi:
(+82) 2 574-65-54, (+82) 2 577-36-60;

“Uzbekistan Airways” AJ vakolatxonasi (aviachiptalar masalalari bo‘yicha):
(+82) 10 8718-6850;

Tashqi mehnat migratsiyasi agentligining Kvandju shahridagi vakolatxonasi (mehnat migratsiyasi masalalari bo‘yicha):
(+82) 10 8495-0027.