Foto: Tashqi ishlar vazirligi matbuot xizmati

Xitoy Xalq Respublikasi bilan bir qatorda Koreya Respublikasi, Yaponiya, Eron, Italiya va baʼzi boshqa davlatlarda bemorlar soni ortmoqda.

Xizmat, turizm va boshqa maqsadlarda xorijga chiqishni rejalashtirayotgan hamyurtlarimiz safardan oldin sogʻliklari uchun tahdidlarni diqqat bilan oʻylab koʻrishlari, mamlakatdagi epidemiologik holatni oʻrganishlari va safar chogʻida shaxsiy gigiyena qoidalariga qatʼiy rioya qilishlari, jamoaviy tadbirlarda ishtirok etishdan tiyilishlari, odamlar toʻplanadigan joylarda barcha ehtiyotkorlik choralarini koʻrishlari zarur.

Yuqoridagilardan kelib chiqqan holda TIV xorijda, jumladan koronavirus bilan ogʻrigan bemorlar aniqlangan davlatlar hududida boʻlib turgan mamlakatimiz fuqarolariga zarur holatlarda Oʻzbekistonning chet eldagi diplomatik vakolatxonalariga murojaat qilishlari mumkinligini eslatib oʻtadi.

Oʻzbekiston Tashqi ishlar vazirligi