Sofiya fuqarosidan 350 kilogrammdan ortiq kokain musodara qilindi, giyohvand moddalarning aksar qismini o‘zining uyida saqlagan, deya xabar berdi Bolgariya milliy radiosi poytaxt prokuraturasi ma’lumotlariga tayanib.

Foto: Euronews

Og‘irligi 40 kilogramm keladigan kokainning birinchi partiyasi 31 yoshli yigitning avtomobilidan chiqqan. Xonada tintuv o‘tkazgan tergovchilar yana 320 kilogramm kokain topishgan.

300 xaltachaga qadoqlangan giyohvand modda ikki qismga ajratilgan bo‘lib, bir qismi yotoqxona javonida, ikkinchi qismi oshxonada saqlangan.

Bolgariya IIV hisob-kitobiga ko‘ra, partiya qora bozorda 81 million lev (taxminan 41 million yevro)ga baholanadi. 35-40 kilogramm giyohvand modda mamlakat ichkarisida sotishga, qolgan yuk esa Yevropa va Osiyo davlatlariga jo‘natishga mo‘ljallangan.