Joriy yilning 23-may kuni soat 13:00 larda, Surxondaryo viloyati, Sho‘rchi tumani, “Bo‘ston” M.F.Y. hududidan o‘tuvchi mahalliy avtomobil yo‘lida haydovchi, 1992 y.t. S.X. “Nexia-3” rusumli transport vositasi tezligini me’yoridan oshirgan holda boshqarayotib, yo‘lni belgilanmagan joyidan kesib o‘tayotgan piyoda, voyaga yetmagan, 2009 y.t. S.T. ni urib yuborib, YTH sodir etgan.

Foto: IIV YHXBB axborot xizmati

Natijada, piyoda 11 yoshli S.T. og‘ir tan jarohatlari olib voqea joyida vafot etgan.

Mazkur YTH yuzasidan Sho‘rchi tuman IIB TB tomonidan surishtiruv ishlari olib borilmoqda.

Barcha haydovchilardan belgilangan tezlik me’yorlariga amal qilishlarini, piyodalarga e’tiborli bo‘lishlarini, piyodalar belgilanmagan joylardan yo‘lni kesib o‘tmasliklarini so‘rab qolamiz, deyiladi YHXBB axborot xizmati xabarida.