Afg‘oniston poytaxtidagi shifoxonaga hujum oqibatida 5 nafar fuqaro hayotdan ko‘z yumdi, yana 4 kishi jarohatlandi, deya xabar berdi “TOLO News” telekanali.

Foto: RIA novosti

Avvalroq “1TV” telekanali seshanba kuni terrorchi-xudkush Kobul shahridagi shifoxonaga kiraverishda portlash sodir qilganini xabar bergandi. Shundan so‘ng gospital binosiga jangarilar bostirib kirishgan. Tibbiyot xodimlarining bir qismigina binoni tark etishga ulgurishgan. Telekanalning ma’lum qilishicha, tibbiyot muassasasi “Chegarasiz shifokorlar” (MSF) xalqaro gumanitar tashkiloti tomonidan qo‘llab-quvvatlanadi. Politsiya maxsus bo‘linmasi allaqachon voqea joyiga yetib kelgan.

“Tolibon” radikal harakati bu hujumga aloqasi yo‘qligini aytmoqda.