Italiyalik 25 yoshli Silvia Romano 18 oy oldin Keniyada o‘g‘irlab ketilgandi. U Afrikada ko‘ngilli bo‘lib xizmat qilardi.

Foto: CBC

Uni ozod qilish bo‘yicha operatsiya Italiya va Turkiya maxsus xizmatlari tomonidan amalga oshirildi, deya xabar berdi Rim aeroportida Silvia Romanoni kutib olgan Italiya bosh vaziri Juzeppe Konte.

Qiz o‘z mamlakati hukumatiga minnatdorlik bildirdi va Afrikada radikallar tomonidan asirga olingan yana bir qancha Yevropa fuqarolarini ozod qilish uchun harakatlarni davom ettirishga chaqirdi.