Foto: Daryo

“Microsoft’ning yangi mobil ilovasida Word, Excel va PowerPoint imkoniyatlari birlashtirilgan, shuningdek, mobil qurilmalar uchun yangi funksiyalar taqdim etilgan bo‘lib, u telefoningizdagi asosiy ofis ilovasiga aylanadi”, — deyiladi kompaniya taqdimotida.

Ilovaga yangi funksiyalar qo‘shilgan bo‘lib, ular orasida foto hujjatlarni matnga yoki jadvalga o‘tkazish yoki ularni PowerPoint’ga qo‘shish imkoniyati ham bor.

Fayllarni PDF’ga aylantirish, bulutdagi hujjatlar bilan ishlash, shuningdek, boshqa Microsoft xizmatlari bilan integratsiyalash ham ko‘zda tutilgan.

Ilovani sinovdan o‘tkazish 2019-yilning noyabridan boshlangan. Microsoft saytida aytilishicha, Office IOS uchun ham sinovdan o‘tkazilmoqda. Uning AppStore’da qachon paydo bo‘lishi esa ma’lum qilinmagan, deyiladi xabar so’ngida.