Shavkat Mirziyoev raisligidagi xotin-qizlarni qo‘llab-quvvatlash, gender tenglikni ta’minlash yuzasidan o‘tkazilgan videoselektorda ta’lim tizimida xotin-qizlar uchun bir qator imkoniyatlar yaratilishi aytildi.

Foto: Google

Unga ko‘ra yangi o‘quv yilidan boshlab oliygoh, texnikum va kollejlarda o‘qiyotgan qizlarga ta’lim kontraktlarini to‘lash uchun, ilk marotaba, 7 yil muddatga foizsiz kredit berish joriy qilinadi.

Shuningdek, ta’lim tizimida xotin-qizlar uchun yana bir qator keng imkoniyatlar:

  • Yangi o‘quv yilidan boshlab magistraturada o‘qiyotgan qizlarning kontrakt pullari to‘liq budjetdan qoplab beriladi (23 ming nafar qizlarga 200 milliard so‘m);
  • har yili 50 nafar qizlar nufuzli xorijiy oliygohlarga bakalavr va 10 nafari magistraturaga yuboriladi;
  • har bir viloyatda ehtiyojmand oila vakillari, ota yoki onasini yo‘qotgan 150 nafar qizlarning (jami 2,1 ming nafar) ta’lim kontrakti mahalliy budjetdan to‘lab beriladi;
  • yosh farzandi bor talaba-qizlarga masofaviy o‘qishga sharoit yaratiladi;
  • doktorantura yo‘nalishida xotin-qizlar uchun har yili kamida 300 tadan maqsadli kvota ajratiladi.

Mavzuga doir: Mahalla va oilani qo‘llab-quvvatlash vazirligining nomi o‘zgardi