Shu yilning 17-dekabr kuni xalq deputatlari Buxoro viloyat Kengashining navbatdagi yig‘ilishida viloyat hokimi Botir Zaripov sayyohlar oqimini ko‘paytirish maqsadida jami 27 ta reys tashkil etish rejalashtirilganini ma’lum qildi.

Foto: Uzbekistan airways

Viloyat rahbarining so‘zlariga ko‘ra, jami reyslar sonidan 3 tasi ichki yo‘nalishlar: Buxoro – Farg‘ona, Buxoro – Samarqand, Buxoro – Termiz, shuningdek, 24ta xorijiy yo‘nalishlar bo‘ladi.

Kelgusi besh yilda viloyatga xorijiy va mahalliy sayyohlar oqimining ortishini hisobga olib, 2026-yilga borib mehmonxonalarning umumiy sonini 679taga yetkazish rejalashtirilgan. 2026-yilga kelib viloyatga tashrif buyuradigan xorijiy va mahalliy sayyohlar soni. 5,1 mln.ga yetadi“, dedi Botir Zaripov.

Uning taʼkidlashicha, 2021-yilning yanvar-noyabr oylarida mustaqil sayyohlarni qoʻshganda sayyohlar soni 2,1 million kishini tashkil etgan boʻlsa, shundan xorijlik sayyohlar soni 41,2 ming nafardan ortiqni tashkil etdi.

Shuningdek, 2022-2026-yillarda viloyatda bo‘lish muddatini uzaytirish uchun 60 ta yangi turistik yo‘nalishlar tashkil etiladi. Viloyatning turistik salohiyati yuqori tuman va shaharlarida. 7 ta “Turistik mahalla”, “Turistlar qishlog‘i” va “Turistlar ko‘chasi” tashkil etiladi.

Buxoro viloyatida 800dan ortiq madaniy obidalar 7ta Jahon merosi ro‘yxatiga kiritilgan bo‘lib, tarixiy merosimiz bosqichma-bosqich qayta tiklanadi. Shu bilan birga, Xalqaro oltin va zargarlik buyumlari festivali hamda navbatdagi Xalqaro maqom san’ati festivali viloyatimizda bo‘lib o‘tadi”, dedi viloyat hokimi.