Davlat statistika qo‘mitasi ma’lumotlariga ko‘ra, joriy yilning yanvar-oktabr oylarida O‘zbekistonda qurilish sohasida faoliyat yuritayotgan korxona va tashkilotlar soni 40,3 mingtani tashkil etib, o‘tgan yilning mos davriga nisbatan 4,3 mingtaga oshdi.

Foto: Google

Respublikada faoliyat yuritayotgan qurilish tashkilotlari:

  • Bino va inshootlar qurish – 23 ming 427 ta;
  • Fuqarolik obektlarini qurish – 3 ming 785 ta;
  • Ixtisoslashtirilgan qurilish – 13 ming 133 ta.

Faoliyat yuritayotgan qurilish tashkilotlari soni eng ko‘p bo‘lgan hududlar:

  • Toshkent shahri – 7 697 ta;
  • Toshkent viloyati – 3 506 ta;
  • Qashqadaryo viloyati – 3 270 ta;
  • Farg‘ona viloyati – 3 174 ta.

Eslatib o’tamiz, avvalroq O‘zbekistonda so‘nggi 10 oyda salkam 72 trln. so‘mlik qurilish ishlari bajarilgani xabar berilgandi.