Koronavirusni boshidan kechirgan britaniyalik ayol “YourkshireLive”ga uzoq davom etgan koronavirusning xavotirli alomatlari haqida gapirib berdi.

Foto: Google

Mart oyining o‘rtalarida sheffildlik 43 yoshli Xelen koronavirusga chalindi. Uning so‘zlariga ko‘ra, kasallik alomatlari to‘rt kun ichida namoyon bo‘lgan.

“Bir necha kun ko‘ksimda og‘irlik, o‘zimni lohas va xasta his qildim”, — deydi ayol.

Britaniyalik ayol tuzalay deganda birdan yana o‘zini yomon his qila boshlagan. Bir necha kundan so‘ng g‘alati alomatlar paydo bo‘lgan — titroq, nimjonlik, buyam yetmaganday, milklar qonay boshlagan.

Shuningdek, ayolning yurak urishi tezlashgan va isitmasi chiqqan, ma’lum vaqtdan keyin esa uning sochlari to‘kila boshlagan.

“Hozir meni qisqa muddatli xotira, isitma, burun bo‘shlig‘i infeksiyalari, quloqdagi shovqin, mushaklarning uchishi, yurak va o‘pka bilan bog‘liq ko‘pgina alomatlar, oshqozon muammolari, charchoq va grippga o‘xshash belgilar bezovta qiladi”, — deya so‘zlab bergan Xelen.

Mavzuga doir:
Britaniyada hamshira sakkizta go’dakni o’ldirishda ayblanib qo’lga olindi
2020-yilning eng mashhur soʻzi qaysi ekanligi maʼlum boʻldi